السلام عليكم هذه الرواية لي غادي نسرد لكم من كتابتي الشخصية نتمنى تعجبكم وتقبلو عليا حيت أول مرة كنكتب شي قصة.
أول حاجة نتعرفو على الشخصيات وعاد نبداو في سرد الأحداث.
الجزء الاول
سمية: بنت ظريفة وكلشي كيشهد بأخلاقها زوينة سميمرة وحروفها فيهم البراءة شعرها طويل اسود وعندها عينها فيهم واحد شكل زوين فحال الحوتة شخصيتها قوية رزينة ورومانسية وعزيز عليها تشوف الفرحة فعيون الناس .
مريم:بنت خالتها زوينة بشرتها حنطية ومكتنزة طويلة القامة ضحوكية وشعرها اسودوبحكم انهم فنفس السن وفحال الخواتات مكيتفرقوش كيفهمو بعضهم بمجرد نظرة .
هاديالعطلة ديال الصيف وسمية وبنت خالتها موالفين يسافرو مجموعين يدوزو العطلةفدار جداتهم ولكن عائلة سمية مسافروش بحكم كيوجدو العرس ديال خوها سميةجالسة كتفرج و بورطابها صونا.
أم سمية: سومة شوفي ابني تليفونك راه كيصوني
سمية :الو ميري حبيبة توحشتك ياك الجنية قدرتي تسافري بلا بيا
مريم: لا والله الزين ديالي راك عارفة والله حتى انا توحشتك مقدرش أعيش من غيرك ههههه
سمية: باز براكا من الصباغة هههههه
مريم: أجي قوليلي حقا وقتاش ان شاء الله العرس ديال خوك واش قريب باش نلحقو نجيو قبل باش نعاونكم
سمية: آه قريب تقريبا ما بقى والو وقتاش غادي تجي
مريم :إن شاء الله فهاد الأسبوع غير نجي نكون عندكم
سمية :إن شاء الله حبيبة يلا سلمي على خالتي وتهلاي فراسك أزين.
فات الاسبوع من هنا لهنا سمية وعائلتها مشغولين فتوجاد لعرس مريم وصلات من السفر وجات لعند دار خالتها.
أم سمية: سومة شوفي شكون كيصوني
سمية: شكون
مريم حلي الويلة أنا هادي
سمية: القردة عاد جيا عولنا عليك تعاونينا بكري ههههه
مريم: تجيك فالضلوع الويل هههه توحشتك العفريتة ايوة اش كتعاوي
سمية: حتى انا توحشتك والله والو اختي راكي عارفة تراون وتوجاد
مريم: بلاتييي بعدا نمشي نسلم على خالتي ونرجع راكي لهيتني
المهم البنات كملو النهار ضحك وتقشاب ومانعسو حتى نصاصا ديال الليل وعاطينها للضحك بالجهد
ام مريم :هادوك 2 جنيات نعسو هنيونا را صوتكوم واصل حتى لعندنا
سمية: صافي صافي هاحنا غادي نعسو هههههه
مريم :غادي نعسو حتى لغدا فهاد الوقت ههههههه
سمية: صافي سكتي أصاحبتي دابا ينوضو يخليو عشتنا هاد ليلة
الغد ليه يوم جديد ونهار زوين البنات فاقو ناشطين جمعو الدار وسيقو ووصل وقت الغدا جلسو العائلة كاملة كيتغداو .
خالة سمية ومريم: البناتاليوم فالعشية بغيتكم تخرجو معايا نمشي نقضي شي غرض ونشري شي حاجة خاصانيونتحركو شوية وزايدون كلشي خارج اليوم غادي نبقى غير انا وياكم فالدار حسننخرجو.
البنات: صافي ان شاء الله مشات راه قنطنا نيت.
تغداو العائلة مريم وسمية جمعو الماعن وغسلوهم مشاو يلبسو حوايجهم ويحلقو على الحالة سمية كانت لابسا بودي وردي بارد وسروال سبور rose indian ساك سبور كاسكيط وبالغين في البيض طلقات شعرها ودارت كلوص خفيف .
مريم لبسات بودي باج مع كالسون في vieux rose وصندالة بيج وجمعات شعرها الفوق.
مريم :هاي هاي على الناس و سبور عاوتاني
سمية :ههه باز مالك معجبتكش
مريم: بالعكس الويلة جاتك لبيسة زوينة
سمية :ههههه زوينة بزز منك وديمااا
مريم :الله يستر ههه مقالها لك حد اللهم قوليها لراسك
سمية: شحال فيك ديال الهدرة غير الحسد لي كيهدر فيك ههههههههه صافي يلا خالتي غادي تبدى تغوت تعطلنا عليها كون راه لبسات وسلات...
في انتظار ردودكم المشجعة والى عجباتكم نكمل